tuisveld in 'n naelbytstryd vir Bridgton van Oudts-hoorn met 23-21 geklop.
Vir Barbarians van Mosselbaai het Petrus Strauss (agtsteman), wat aangewys is as speler van die wedstryd, voorlangs die vonk verskaf.
Strauss, Zayn Gelderbloem (buitesenter) en Jerome Fillies (plaasvervanger-vleuel) is oor vir drieë vir Barbarians. Morné Buis (skrumskakel) slaag met 'n doelskop en Gelderbloem met twee strafdoele.
Vir Bridgton is Charlton Ewerts (linkervleuel) en Autrige Tiemie (regtervleuel) oor vir drieë. Lavano Nathan (losskakel) slaag met 'n doelskop, twee strafdoele en 'n skepdoel.
Blanco het op sy tuisveld vyf pragdrieë in hul oortuigende oorwinning van 34-15 oor Mosselbaai gedruk.
Sonwabo Majolla (skrumskakel) was die wenspan se groot uitblinker. Hy het met taktiese skoppies en puik breekslae om die skrum baie druk op die besoekers geplaas. Majolla, wat 'n pragdrie gedruk het, is as speler van die wedstryd aangewys.
Die wenspan se ander drieë is deur Bradley
Pietersen (linkervleuel) Daniel Roberts (losskakel, 2) en Deswill Claassen (haker) gedruk. Enrico Treurnicht (buitesenter) slaag met 'n doelskop, Roberts met 'n doel- en strafdoel en Alain Jansen (plaasvervanger-heelagter) ook met 'n doelskop.
Vir Mosselbaai is Hendrik Kriek (loskopstut), Juan-Corne Belstead (slot) en Gideon Botha (haker) oor vir drieë.
Jovan Oelson (buitesenter), Jeslin Gelderbloem (agtsteman) en Ashwinn Meyer (binnesenter) was Groot-Brakrivier se groot uitblin-kers in hul oorwinning van 18-11 oor Crusaders op hul tuisveld.
Vir Groot-Brakrivier is Jonathan Otto (regter-vleuel) oor vir 'n drie. Hulle het ook 'n strafdrie gekry. Edgar Syfers (heelagter) slaag met 'n doelskop en twee strafdoele.
Cedric Esau (regtervleuel) is oor vir 'n drie vir Crusaders. Clair McClean (heelagter) slaag met twee strafdoele.
Die volgende rugbywedtryde word Saterdag, 9 Mei in die SWD Premierliga gespeel (tuisspan eerste genoem):
Silver Stars t Evergreens,
Bridgton t Progress,
Uniondale t Barbarians,
Mosselbaai t Crusaders
'Ons bring jou die nuutste Suid-Kaap nuus'
