GEORGE NUUS - ’n Pasiënt is Dinsdagaand 15 September by George-hospitaal oorlede ná ’n voorval waartydens hy van die hospitaalgebou gespring het.

Die voorval het omstreeks 18:25 plaasgevind.

Volgens inligting wat aan George Herald verskaf is, is die man vroeër die dag deur ’n ander pasiënt by die hospitaal opgemerk.

Nadia Ferreira, streekswoordvoerder van die Wes-Kaapse departement van gesondheid en welstand, het die voorval bevestig.

“Die Wes-Kaapse departement van gesondheid en welstand kan ’n voorval bevestig wat ’n pasiënt betrek wat per ambulans by die hospitaal aangekom het en daarna van die hospitaaldak gespring het.

“Die pasiënt is ongelukkig oorlede.”

Ferreira het namens die departement medelye met die man se naasbestaandes betuig.

“Ons betuig ons opregte medelye met die pasiënt se familie en geliefdes in hierdie moeilike tyd.”

Geen verdere besonderhede oor die omstandighede wat tot die voorval gelei het, is beskikbaar nie.

‘Ons bring jou die nuutste Tuinroete, Hessequa, Karoo nuus’