GEORGE SAKE NUUS - Just Property is ‘n eiendomsagentskap wat binne ‘n paar jaar gegroei het tot die grootste Just Property Group-verhuringsboek in Suid-Afrika.
Dit is moontlik gemaak deur toegewyde werknemers en ‘n ywerige, suksesvolle sakeman, Pieter Janse van Rensburg. Just Property Group het hul professionele dienste uitgebrei na verkope, beide residensieel en kommersieel, en het die afgelope jaar verskeie groot, suksesvolle transaksies afgehandel.
Met ‘n personeelkorps van 15 toegewyde en gekwalifiseerde agente en administratiewe personeel, sal Just Property George die beste keuse wees om jou eiendom mee te vertrou.
Tydens ‘n spog nasionale toekenningsgeleentheid wat op Vrydag 16 Oktober in Johannesburg gehou is, is Just Property George aangewys as die beste verhuringskonsessiehouer in die landelike gebiede.
Die verhuringsboek word geadministreer deur die werknemers en die kantoorbestuurder, Marieta Rautenbach, wat te alle tye die kliënte se belange op die hart dra – binne die verhuringswetgewing.
Marieta is ook tydens bovermelde geleentheid as Just Property Group se Kantoorbestuurder van die Jaar aangewys.
Pieter Janse van Rensburg glo in die terugploeg en ondersteuning van die gemeenskap waarin sake gedoen word.
Just Property Group George tree as borge op vir onder meer die Hoërskool Outeniqua, Carpe Diem Skool en Watsons-ouetehuis, om maar ‘n paar op te noem.
Die verkope-afdeling het, in samewerking met Third Generation, wat een van die pryse geborg het, in September ‘n SMS-kompetisie aangebied.
Tydens hierdie kompetisie het die wenner, Heman Heuer, ‘n leerder van die Laerskool George-Suid, ‘n JVC-platskermtelevisiestel gewen.
Dit is vir Just Property George ‘n voorreg om hul professionele dienste aan kliënte te bied en hul nooi jou uit om hul kantore in George te besoek.
Vir enige navrae skakel gerus hul kantoor by 044 874 0192.
'Ons bring jou die nuutste George, Tuinroete nuus'
