GEORGE NUUS - Die Kent-trio van Mosselbaai het Donderdag 3 Mei vlugtig in die George-landdroshof verskyn.
Ivan Kent (30), sy pa, Lionel (55), en jonger broer Divan (27), word daarvan aangekla dat hulle op 30 Januarie 'n sakeman van Oudtshoorn, Jannie Venter (45), by sy ingenieursfirma, Du Rand Engineering, in die George-nywerheidsgebied aangerand het. Ivan het by Venter gewerk.
Ivan is later dieselfde dag, ná 'n jaagtog met die polisie op die N2 tussen George en Mosselbaai, vasgetrek.
Sy pa en broer is ook kort na die voorval in hegtenis geneem.
Aanklagte teen hulle is onder andere poging tot moord, aanranding met die doel om ernstig te beseer, roof met verswarende omstandighede en motordiefstal.
Die saak is tot Donderdag 17 Mei vir 'n streekhofdatum uitgestel.
Tydens sy formele borgtogaansoek het dit aan die lig gekom dat Ivan 'n depressielyer is en daagliks medikasie moet neem. Volgens hom het Venter hom ook vir drie maande nie betaal nie.
Hy het aan die hof gesê hy besef dat wat hy gedoen het verkeerd was, maar hy was paniekbevange en nie homself daardie dag nie.
* The Kent Trio from Mossel Bay appeared briefly in the George Magistrate's Court on Thursday 3 May. Ivan Kent (30), his father, Lionel (55) and younger brother Divan (27) stand accused of assaulting an Oudtshoorn businessman Jannie Venter (45) at his engineering firm, Du Rand Engineering, in January. Ivan was one of Venter's employees. The case was postponed to 17 May for a regional court date.
Lees vorige artikels:
- Borgtog vir man na aanranding
- Man steeds in aanhouding vir aanranding
- Borgtog vir pa en seuns na aanranding
- Pa en seuns in hof vir aanranding
- Opvolg: Pa en seuns in hof na aanranding
- Pa en seuns vas vir poging tot moord
'Ons bring jou die nuutste George, Tuinroete nuus'
