GEORGE NUUSFLITS - Die tolhuis op die Montagupas het die afgelope naweek geskiedenis gemaak met die aanbieding van 'n kreatiewe werksessie met die tema, 'Maak jou merk', 'n inisiatief van die George-biblioteek.
Om skrywersmaand te vier, het verskeie Suid-Kaapse skrywers, fotograwe en skilders deelgeneem.
Die besondere atmosfeer van die tolhuis, waar daar op die reënerige Saterdagoggend pannekoek en koffie aangebied is, was die inspirasie vir oorspronklike werke en woorde wat die geskiedkundige geboutjie se gevoel van nostalgie en oudwêreldse sjarme uitgebeeld het.
In die woorde van Isabel Smit, "Ons is almal reisigers wat op pad is na die volgende bestemming. Die reis en ons lewenstyl eis vandag sy tol - nie meer die tolmeester nie. Ons plaas eintlik die druk op onsself."
En dan iets oor die tolhuis self, "Ons moet ons meer dikwels vergaap aan ou tasse en rame teen mure. Ons moet die blikbekers en stowwerige pakkamergoed weer 'n slag deeglik bekyk. Die merke van gister wys hier hul hét bekoring."
Om deel te word van die Vriende van die Tolhuis, bekyk hul Facebook-blad, 'The old Tollhouse Montagupass' en teken aanlyn in of skakel vir Gerda Stols by
083 772 8252.
Klik hier vir verwante artikels:
- Pret op Erfenisdag by tolhuis
- Pannekoek en koffie by tolhuis
- Ou tolhuis kry hupstoot
- Troue in die tolhuis
ARTIKEL: ALIDA DE BEER, GEORGE HERALD-JOERNALIS
'Ons bring jou die nuutste George, Tuinroete nuus'
