GEORGE NUUS - Carpe Diem Skool bied op 22 April om 18:30 'n gratis geleentheid aan waar die ouers, grootouers, familie en versorgers van persone met spesiale behoeftes kennis kan inwin wat hul reeds uitdagende lewens meer perspektief sal gee.
Van der Westhuizen, prokureur by Millers Ingelyf en 'n buitengewone professor by die Universiteit van die Vrystaat se Regsfakulteit en Sentrum vir Boedelbeplanningsreg, sal die spreker tydens die inligtingsessie wees en sal lig werp op die onderwerp van spesiale trusts vir persone met spesiale behoeftes.
Tydens die geleentheid sal hy onder meer antwoord op vrae soos:
- Wat is 'n spesiale trust?
- Wat is die vereistes vir die stig van 'n spesiale trust?
- Wat is die belastingvoordele, asook ander voordele van spesiale trusts en
- Kan 'n spesiale trust ook in 'n testament geskep word en hoe?
Vir meer inligting kan u die skoolhoof, Karools Hauptfleisch, by 044 874 4074 skakel of e-pos by carpekarools@telkomsa.net.
'Ons bring jou die nuutste George, Tuinroete nuus'
