Update

GEORGE NUUS - Die paartjie van Pacaltsdorp, Chantelle Domingo (32) en haar kêrel Ray-Morgan Cronjé (32), wat albei teregstaan op aanklag van die moord van Domingo se negejarige seun, Juwayne, het weer Woensdagoggend, 6 Desember, in die George-landdroshof verskyn waar slotbetoë in Domingo se borgtogaansoek aangehoor sou word.  

Cronjé doen nie aansoek om borgtog nie.

Hulle is op Saterdag 13 Mei in hegtenis geneem ná Juwayne glo met 'n sambok doodgeslaan is. Hy is na bewering ook verskeie kere hard neergegooi.

Die staat staan die borgtogaansoek teen, omdat die paartjie van moord met 'n gemene doel, 'n skedule ses oortreding, beskuldig word.

In haar redes hoekom borgtog nie toegestaan moet word nie, het die ondersoekbeampte onder andere aangevoer dat Domingo haar plig teenoor haar kind versuim het deurdat sy nie vir hulp gevra het of die aanranding teenoor haar kind gerapporteer het nie. 

‘Ons bring jou die nuutste Tuinroete, Hessequa, Karoo nuus’