GEORGE NUUS & VIDEO - 'n Geregtelike doodsondersoek is geopen ná 'n brand in 'n selfoonwinkel in St George's Square (Paddagat) verlede Donderdag, 6 Julie die lewe van die 42-jarige Pakistani, Zubair Muhammad, geëis het.
Die oorsaak van die brand by AMZ Celltronics & Repairs, die winkel waar Muhammad gewerk het, is nog onbekend.
George-brandweer was gou op die toneel en die brand is vinnig geblus. Die slagoffer het erge brandwonde aan sy hande en voete opgedoen en is op die toneel behandel. Hy is per ambulans na die George-hospitaal geneem waarna hy Sondagoggend omstreeks 07:00 aan sy wonde beswyk het.
Volgens kapt. Malcolm Pojie, Suid-Kaapse polisiewoordvoerder, word daar nog gewag vir terugvoer van die forensiese deskundiges en plaaslike kriminelerekordsentrum. "Ons moet ook die lykskouingsverslag ontvang voor ons meer inligting bekend maak."
Omstanders op die toneel het aan die George Herald vertel dat die man vermoedelik ten tye van die brand agter in die winkel op 'n matras geslaap het.
Die ondersoek duur voort.
By navraag het St. George's Square-sentrumbestuurder, Allan Young, aan die George Herald gesê dat hy bewus is van gerugte dat die huurders van die betrokke winkel op die perseel woon en slaap, maar wou geen verdere kommentaar lewer tot die polisie se ondersoek voltooi is nie.
'n Tweede uitgang
Gerugte dat die perseel nie aan minimum veiligheidstandaarde voldoen het nie omdat daar nie 'n tweede uitgang (agterdeur) in die winkel is nie, het ook die ronde gedoen. Volgens George-munisipaliteit se kommunikasiebestuurder, Chantel Edwards-Klose sê die Suid-Afrikaanse Nasionale Standaarde (Sans) indien die naaste uitgang meer as 45 meter van enige punt op die perseel is, word daar nie 'n tweede uitgang vereis nie. In hierdie geval was 'n tweede uitgang dus nie nodig nie.
Gerugte dat die perseel nie aan minimum veiligheidstandaarde voldoen het nie omdat daar nie 'n tweede uitgang (agterdeur) in die winkel is nie, het ook die ronde gedoen. Volgens George-munisipaliteit se kommunikasiebestuurder, Chantel Edwards-Klose sê die Suid-Afrikaanse Nasionale Standaarde (Sans) indien die naaste uitgang meer as 45 meter van enige punt op die perseel is, word daar nie 'n tweede uitgang vereis nie. In hierdie geval was 'n tweede uitgang dus nie nodig nie.
Kyk 'n video hieronder.
Zubair Muhammad as op die toneel vir sy brandwonde behandel.
ARTIKEL: KRISTY KOLBERG, GEORGE HERALD JOERNALIS
VIDEO: WESSEL VAN HEERDEN, DIGITALE KOôRDINEERDER
'Ons bring jou die nuutste George, Tuinroete nuus'
