Melissa en Lloyd wen Spur-padwedloop

GEORGE NUUS - Melissa van Rensburg van Nedbank SWD het Woensdagaand die Spur na Spur-pad-wedloop oor 10 km se ope-vroue-afdeling in 'n tyd van (32:40) gewen.

Die wedloop, wat by Timber Wolf Spur by die Garden Route Mall begin en by die Geronimo Spur in Yorkstraat geëindig het, het 223 padatlete gelok.

Die wedloop wat in bedompige weersomstandighede plaasgevind het, is uiters suksesvol deur Grasshopper Outeniqua Harriers George aangebied.

Anastasia Plaatjies (43:50) van Grasshoppers Outeniqua Harriers George en die meestersatleet Annatjie Botes (43:51) was onderskeidelik tweede en derde vroue oor die wenstreep.

Die ope-mans-afdeling is deur die Nedbank SWD atlete, Lloyd Bosman (32:40), Elfonzo Pieterse (32:50) en Donavon Jantjies (33:47) van Grasshopper Outeniqua Harriers oorheers.

"Die wedloop was vir my die ideale voorbereiding vir die straatmyl op Woensdag 16 Desember op Oudtshoorn. Ek beplan om goed te doen en werk kliphard daaraan om my doelwitte te bereik. Ek wil aan die einde van Desember ook aan 'n straatmyl in Coetzenburg gaan deelneem," het Lloyd Bosman ná die wedloop aan die George Herald gesê.

Kategoriewenners 10 km:

Ope-mans:

1. Lloyd Bosman (32:40), 2. Elfonzo Pie-terse (32:50), beide Nedbank SWD, 3. Donavan Jantjies Outeniqua Harriers (33:47). Veteraan: Mxolise Fana, Outeniqua Harriers (36:58).
Meester: Selwyn Losper, Mosselbaai Har-riers (36:26)
Grootmeester: Manie Steenkamp, Nedbank SWD (53:33).
Groot-grootmeester: Willie Fry, Outeniqua Harriers (1:15.28).
Junior: Donavan Jantjies, Outeniqua Harriers (33:47)

Ope-vroue:

1. Melissa van Rensburg, Nedbank SWD (40:31), 2. Anastasia Plaatjies, Outeniqua Harriers (43:50), 3. Annatjie Botes, Nedbank SWD (43:51).
Veteraan: Elmien Nel, Nedbank SWD (49:38)
Meester: Annatjie Botes, Nedbank SWD (43:51).
Grootmeester: Toekie Steenkamp. Nedbank SWD (55:32)
Groot-grootmeester: Lisetta Visagie, Nedbank SWD (1:20.17)
Junior: Anastasia Plaatjies, Outeniqua Harriers (43:50)

Klik hier vir 'n fotogalery.