Bosman wen nat Top Gear Sport-nagwedloop

GEORGE NUUS - Die 29-jarige Lloyd Bosman van Nedbank SWD-atletiekklub het Vrydagaand in gietende reën sy baasskap in padwedlope in die Suid-Kaap getoon toe hy die Top Gear Sport se 10 km-nagwedloop in 'n vinnige tyd van (30:46) gewen het.

Die wedlope, wat by Top Gear Sport in Meadestraat begin en geëindig het, is deur die Rainbow-atletiekklub aangebied en het 400 atlete gelok.

Bosman se spanmaats, John April (32:28) en Donovan Jantjies (32:33) was onderskeidelik tweede en derde oor die wenstreep.

Die veldatleet van Grasshopper Outeniqua Harriers, Carina Gagiano, het vir 'n groot verrassing gesorg toe sy die opeafdeling vir vroue in 43:36 gewen het.

Sy is gevolg deur die junior, Louw-Ann Lourens (44:09) en veteraan, Ariadne van Zandbergen (44:36) van Carpe Multi Sport Club Eden.

Kategoriewenners 10 km:

Opemans:

Lloyd Bosman (30:46),
John April (32:28),
Donovan Jantjies (32:33) almal van Nedbank SWD.

Veteraan: Wouter Frazenberg, Outeniqua Harriers ( 34:58).

Meester: Selwyn Losper, Mosselbaai Harriers (37:33).

Grootmeester: Patrick Rawlins, Outeniqua Harriers (43:43).

Groot-grootmeester: Plaatjie Cronje, Outeniqua Harriers (1:00.47).

Junior: Ricardo Cornelius, Cape Multi Sport Club Eden (36:31).

Stapper: Bradley Carelse, Nedbank SWD (53:50).

Carina Gagiano, puik veldatleet van Grasshopper Outeniqua Harriers, het vir 'n groot verrassing gesorg toe sy die opeafdeling vir vroue in 43:36 gewen het. Haar klubmaat Samuel Windvogel draf langs haar. Foto: Hugo Redelinghuys

Opevroue: