Dít word deur die Kaapse stadsraad se regsverteenwoordiger, adv. Geoff Budlender SC, aangevoer in die aansoek teen Sanral om die voorgenome Wynland-tolprojek onwettig te laat verklaar en te skrap.
Die aansoek word aangehoor in die Wes-Kaapse hooggeregshof.
Budlender voer aan die stadsraad is bekommerd daaroor dat Sanral uitermate hoë tolgeld sal moet eis van motoriste sodat hy nie self bankrot raak nie.
Hoewel die finale besluit oor die bepaling van toltariewe by die minister van vervoer berus, voer Budlender aan Sanral sal groot druk op die minister plaas om die hoë tariewe in te stel.
