GEORGE NUUS - 'n Streekhofdatum vir die plaaslike tandarts, Ian Venter, wat van minagting van die hof aangekla word, is op 1 Maart in die George-landdroshof vasgestel.
Hy sal weer op 6 April in die Thembalethu-streekhof verskyn.
Venter, wat 'n vier jaar vonnis van korrektiewe toesig uitdien, is in Mei verlede jaar by sy praktyk in die middedorp in hegtenis geneem op klagtes van minagting van die hof nadat dit aan die lig gekom het dat hy steeds kinderpasiënte behandel.
Hy is in November 2014 gevonnis nadat hy skuldig bevind is op 'n seksklag waarby 'n minderjarige seun, toe 15 jaar oud, betrokke was.
Seksuele aanranding
Venter word ook daarvan aangekla dat hy gedurende die aand van 11 April 2015 'n seun, toe 13 jaar oud, wat by sy huis in Heroldsbaai oorgeslaap het, seksueel betas het.
Hy het in Januarie, in die Mosselbaai-landdroshof verskyn waar Streeklanddros Francis Makamandela, bevestig het dat sy haar uitspraak op 11 April in die Thembalethu-streekhof, sal lewer.
Lees vorige artikels:
- Tandarts na streekhof vir minagting
- Tandarts se lot in April bepaal
- Dentist case progression like pulling teeth
- Venter-saak: Uitspraakdatum in 2018 vasgestel
- Opvolg: Ian Venter-saak
- Saak teen Ian Venter uitgestel
- Tandarts volgende week in hof
- Tandarts in hof oor kinder-pasiënte, kry borgtog
- Plaaslike tandarts kry borg
- Plaaslike tandarts vandag weer in hof
- Dr. Ian Venter gearresteer
- Ian Venter-saak wéér uitgestel
- Ian Venter-saak later weer in hof
- Opvolg: Tandarts ontken betasting
- Tandarts ontken betasting
- Ma van tienerseun getuig
- Tandarts-saak: Ma van slagoffer getuig
'Ons bring jou die nuutste George, Tuinroete nuus'
