GEORGE NUUS - Dis weer tyd vir die skoenboks-projek sodat elkeen genoeg tyd het om 'n spesiale geskenk bymekaar te sit.
Die projek raak elke jaar net groter en hierdie jaar word Kleine Kuikens Plaasskool van De Rust en Laerskool Herold se kinders ook betrek.
Die gedagte is, soos vorige jare, dat 'n skoenboks gevul, mooi oorgetrek en dan die betrokke kind se naam en huisnommer, (of in die geval van Laerskool Herold, Mossel Bay Care Centre en Kleine Kuikens) en die sentrum se naam daarop geplak word.
Elke kind kry so sy eie verrassingsboks as Kersgeskenk om oop te maak.
Ter wille van eenvormigheid word daar weer 'n maksimum bedrag van R200 per skoenboks gestel. Elke kind se boks kan volgens sy/haar belangstelling en ouderdom gepak word.
Indien jy graag betrokke wil raak, maar nie kans sien om geskenk self aan te koop nie of dalk ver bly is daar egter die opsie om geskenk te borg.
Kontak Janine by ninabrandt.pretorius1@gmail.com of Anneline by AnnieOudtshoorn@gmail.com om jou naam en ouderdom van jou kindjie te kry. Baie mense versoek foto's van die kinders, maar dit is nie altyd moontlik nie omdat die kinders beskerm word deur die Kinderwet.
Geld kan direk inbetaal word by: J Pretorius, Absa Spaar 38110751793, takkode 632005, verw. skoenboks en naam.
Of direk in Môreson se rekening: Môreson ACVV Kinder en Jeugsorgsentrum, Absa Spaarrekening 9165573137 , verw: skoenboks en naam.
Oudsthoorn - Anneline se huis, Melvillestraat 46, kontak Petro, 072 967 8322.
Mosselbaai - Teneil by die Punt Hotel.
Hartenbos - Sureth Beukes, ATKV kantore.
Knysna - Anita van Rooyen by Sass-straat 7, Knysna 079 221 4140.
Die afsnydatum vir die skoenboks-projek is 18 November, aangesien daar heelwat logistieke reëlings is en kinders reeds begin Desember uitgeplaas word.
ARTIKEL: EMSIE MARTIN, GEORGE HERALD
'Ons bring jou die nuutste George, Tuinroete nuus'
