GEORGE NUUS - Georgiete word genooi om voorstelle in te dien oor sigbare elemente van die erfenis van George, soos besondere geboue, wat gedenkplaatjies kan kry.
Dr. Andy Lamont, voorsitter van die George Erfenistrust, sê die Trust wil graag as deel van sy bewaringsrol geboue, strukture en plekke uitlig wat tot die karakter van George bydra.
Die trust beywer hom vir die goeie behoud van die historiese, kulturele en natuurlike erfenis van George en omstreke.
In afgelope jare het die trust aantal kenmerkende grys en blou plaatjies aangebring by geboue van belang, soos voor die NG Moederkerk in Courtenaystraat. Die plaatjies is in Afrikaans en Engels en bevat kort beskrywings van die geboue.
Die projek word vanjaar uitgebrei.
“Ons kyk nie net na geboue nie, maar ook na plekke,” sê dr. Lamont. “Byvoorbeeld, die malvatuin voor die toeriste-inligtingskantoor in Yorkstraat.”
Hoewel die trust spesifiek kyk na geboue ouer as 60 jaar, wat volgens wet nie sommerso gesloop mag word nie, kan ander geboue ook in aanmerking kom, soos die sierlike landdroshof aan die hoek van York- en Courtenaystraat.
Mense wat geboue of plekke vir gedenkplaatjies wil aanbeveel, kan besonderhede en motiverings stuur aan die sekretaresse van die Erfenistrust, Kathy Schulz, by kathyschulz60@gmail.com.
* Georgians have been invited to submit motivations for commemorative plaques at places, structures or buildings which reflect the character and heritage of George.
The George Heritage Trust is expanding its project for the informative blue and green plaques, many of which may be seen in the mid city. Motivations may be submitted to the secretary, Kathy Schulz, kathyschulz60@gmail.com..
'We bring you the latest George, Garden Route news'
