LEEFSTYL NUUS - Kanker verwys na enige van 'n groot klomp toestande waarin abnormale selle onbeheersd groei en dan die vermoë besit om normale weefsel te infiltreer en vernietig.
Dit het dikwels ook die vermoë om te versprei deur die liggaam.
Jaarliks word 14 miljoen mense wêreldwyd met kanker gediagnoseer. Een uit vier Suid-Afrikaners word geraak deur kanker.
Kanker ontstaan uit verskillende weefsels en presenteer en reageer daarom nie almal dieselfde nie. Soms is dit selfs onmoontlik om die weefsel van oorsprong te identifiseer.
- Bors
- Serviks
- Onbekende oorsprong
- Kolorektaal
- Kaposi sarkoom
- Prostaat
- Onbekende oorsprong
- Kaposi sarkoom
- Long
- Kolorektaal
Ses uit 10 mense wat in Suid-Afrika gediagnoseer word met kanker oorleef egter as dit vroeg opgespoor word. Vroeë opsporing van kanker is daarom lewensreddend en verskeie siftingsveldtogte word gereeld deur Kansa geloods.
Simptome is dikwels non-spesifiek, maar redes om by die dokter vir raad aan te klop sluit in:
- Onverklaarbare gewigsverlies, eetlusverlies en moegheid
- Verandering in stoelganggewoontes
- Knoppe, verdikte of harde areas in die borste of testikels of ander plekke
- Verandering in grootte, kleur of vorm van moesies of mondsere
- Wonde of hoes wat nie opklaar met behandeling nie.
Dit is vir die dokter dikwels moontlik om met ondersoek te onderskei tussen ander, behandelbare siektes - wat eenders presenteer - en kanker. Die dokter sal dan, indien nodig, verder ondersoek instel meet radiologiese ondersoeke, bloedondersoeke of biopsies van enige verdagte areas.
Soms is daar absoluut geen simptome om die kanker te verklap nie en word hul toevallig met ondersoek of bloedwerk opgespoor. Daarom is gereelde besoeke aan die dokter belangrik om sinvol te sif en voorkomend op te tree. Meer daaroor volgende keer…
Enige vrae kan gerig word aan questions@walkindoctor.co.za.
