GEOERGE NUUS - Ds. Nati Stander van Witrivier in die Laeveld se NG Kerk is die prediker by Blanco-gemeente se jaarlikse Pinkster-eredienste wat van Sondag 17 tot Donderdag 21 Mei gehou word.
Hierdie jaar is daar eredienste vir volwassenes en tieners in die kerkgebou terwyl die kinders hul eie Pinkster vol pret in die kerksaal gaan beleef.
Ds. Stander se tema vir die reeks is 'Wat is die woorde waarmee God jou beskryf?' Elke aand gaan daar ook iets te ete en drinke wees vir oud en jonk.
Belangstellendes kan na ds. Stander se video-uitnodiging en -verduideliking van sy preekreeks gaan kyk op die gemeente se webtuiste by www.blancogemeente.co.za.
Die Kinderpinkster word gelei deur Blanco-gemeente se leraar, ds. Francois Mulder. Vir ses geleenthede gaan die kerksaal omvorm word in 'n plaas met strooibale en diere. Elke byeenkoms verduidelik Jesus se "Ek is"-uitsprake aan die hand van plase soos 'n skaap-, vark-, ko-ring-, druiwe- en beesplaas.
Almal is welkom.
Rig navrae aan Francois 082 676 4275.
Tyd (volwassenes): Sondag 17 Mei om 09:00 en 18:30 asook Maandag tot Donderdag 10:00 en 'n herhaling om 18:30.
Tyd (kinders): Dieselfde tye maar nie op die weeksoggende nie.
Koste: gratis.
'Ons bring jou die nuutste George, Tuinroete nuus'
