GEORGE NUUS - Die plaaslike man wat vroeër vanjaar weer op 'n klag van seksuele aanranding gearresteer is, het na vyf maande nog nie gepleit nie.
Die beskuldigde (44) het Maandag, geklee in 'n donker pak, vir die eerste keer in die Thembalethu-streekhof verskyn. Dit volg nadat sy saak in Julie van die George-landdros-hof na Thembalethu oorgeplaas is.
Die saak is dié keer deur landdros Nelson Mulaudzi vir meer as 'n maand tot Vrydag 30 Oktober uitgestel nadat die beskuldigde se regsverteenwoordiger, John Gillespie, vir uitstel gevra het om met sy kliënt te konsulteer.
Gillespie het aan die hof gesê dat hy afskrifte van die dossier ontvang het, maar nog nie met sy kliënt gekonsulteer het nie.
Die beskuldigde word daarvan beskuldig dat hy 'n 13-jarige seun, wat glo met sy tienerseun bevriend is, seksueel betas het.
Die beweerde voorval het die aand van 11 April plaasgevind toe die seun by die beskuldigde se huis oorgeslaap het. Die beskuldigde is op 17 April gearresteer.
JJ Marx verskyn namens die staat.
Klik hier vir vorige artikels:
- Opvolg: Seun (13) seksueel aangerand
- Bekende vry op R5 000 borgtog
- Opvolg: Man vrygelaat op R5000-borgtog
- Opvolg: Man in hof na hy glo kind betas
- Man accused of sexual act with 13-year-old boy
- Man arrested on sex charge
ARTIKEL: HENRICA VELDMAN, GEORGE HERALD - JOERNALIS
'Ons bring jou die nuutste George, Tuinroete nuus'
