Update
GEORGE NUUS - Diegene wat gewonder het waar Ettiene Haman en sy hond Titan hulself deesdae bevind, kan gerus wees. Haman het die hoek van Courtenay- en Memoriumstraat, waar hy gereeld opgemerk is, vir 'n nuwe begin elders in George verruil.
Die artikel en brief in verlede week se uitgawe (29 Augustus, bl. 5 en 26) het lig gewerp op Haman se hartseer verhaal en lot nadat hy al sy besittings in 'n ongeluk verloor het.
Weldoeners van hier het op die skrywe gereageer en hulle oor Haman en Titan ontferm.
Die egpaar, wat anoniem wil bly, besit 'n besigheid op die dorp en het ekstra hulp benodig. Hulle het vir Haman tydelik verblyf en werk aangebied.
In gesprek met beide die egpaar en Haman blyk dit dat dit baie goed gaan met hom en sy hondekind. Hulle vra dat indien iemand 'n meer permanente oplossing het, hulle asseblief die George Herald sal kontak.
Haman het gesê hy is baie dankbaar vir almal wat vir hom en Titan omgee.
'Ons bring jou die nuutste George, Tuinroete nuus'
