GEORGE NUUS - Hoërskool Outeniqua se jaarlikse Mnr. en Mej. Kwagga het op 13 April plaasgevind onder die leiding van die VRL Impak-komitee.
Dit was 'n spoggeleentheid waartydens Hoërskool Outeniqua se aantreklikste 10 meisies en 10 seuns meegeding het om die titel van Mnr. en Mej. Kwagga.
Dit is nie net 'n skoonheidskompetisie nie, die beoordelaars kyk ook na persoonlikheid. Die 20 finaliste het waarlik geskitter van binne en buite. Verder is die doel van die geleentheid om geld in te samel vir 'n liefdadigheidsorganisasie: Life Community Services.
Die finaliste het ook daar uitreikwerk gaan doen. Dit was vir ons 'n groot voorreg om hulle die aand daar te kon hê. 'n Bedrag van R25 000 is aan die organisasie oorhandig.
Die skool bedank alle borge en veral die hoofborge: Sandra de Clercq, Mini Boutique, De Jagers, Amigos George, Wilna Alpass Professional Make-up Artist, Stefan Emmerich Photography, Just Water en Tooti Fruti.
- Mej. Liefdadigheid - Gene Dunn;
- Mej. Fotogenies - Janneke Agenbag;
- Mnr. Fotogenies - Marco Kirstein;
- Mej. Persoonlikheid - Adri Uys;
- Mnr. Persoonlikheid - JP Stoffberg;
- Gunsteling paartjie - Sean Swart en Adri Uys;
- Tweede Prins - Lance Lamprecht;
- Tweede Prinses - Gene Dunn;
- Eerste Prins - JP Duvenage;
- Eerste Prinses - Anri Louw;
- Mnr. Kwagga - Sean Swart en
- Mej. Kwagga - Emme Pretorius.
Wenners van links: Gene Dunn (2e Prinses), JP Duvenage (2e Prins), Emme Pretorius (Mej Kwagga), Sean Swart (Mnr Kwagga), Anri Louw (1e Prinses), Lance Lamprecht (2e Prins).
'Ons bring jou die nuutste George, Tuinroete nuus'
