Gallery
OUDTSHOORN NUUS - Vyf visuele kunstenaars van Oudtshoorn se werke word in die Klein Karoo Nasionale Kunstefees (KKNK) se eerste Virtuele Galery uitgestal. Die galery is oop vir besoeke tot en met 22 Julie.
In dié tyd word daar ook twee Virtuele Kunsgesprekke aangebied. Woensdag 15 Julie om 18:30 word 'n gesprek oor die aard van medewerking en wisselwerking aangebied en volgende Woensdag 22 Julie word die gesprek oor die skuif na aanlynuitstallings - Virtuele aanbiedings en kunservarings aangebied.
Vir meer inligting en hoe om te registreer, stuur ’n e-pos aan lizane@kunste.org.za.
Hugo Theart, artistieke direkteur van die KKNK, sê hulle is baie opgewonde oor hul eerste virtuele galery.
“Ons is trots op die eindproduk van ons heel eerste volskaalse Virtuele Galery en nog meer trots om soveel werke van kunstenaars uit eie bodem op dié platform vlerke te gee," sê Hugo Theart.
Fotogalery: KKNK se eerste Virtuele Galery
Earlyn Cloud, Zietske Saaiman en Colin Meyer, wat verlede jaar deel van Absa se mentorskapprogram was, bring in Kicking Up Dust ’n uitstalling byeen wat ’n emosionele en sensoriese reaksie is op die gevolge en die belewenisse van die droogte in die Klein-Karoo.
Lees meer by ons susterskoerant, Oudtshoorn Courant
'Ons bring jou die nuutste Tuinroete, Hessequa, Karoo nuus'
