Die Mosselbaai Munisipaliteit kan ‘n 8-ton vragmotor vol gesnyde gras gratis as veevoer vir Buisplaas se boere beskikbaar maak, maar beskik nie oor die fondse om die gras tot op Buisplaas – op die Herbertsdalepad – te vervoer nie. Beraamde vervoerkoste beloop R5 000.
Die gras is net Vrydag, wanneer dit van die Van Riebeeckstadion en Uitbreiding 23 sportgronde verwyder moet word, beskikbaar.
Daar word dus dringend gesoek na lede van die publiek, besighede of vervoermaatskappye wat dalk met kleiner voertuie die gras gratis tot op Buisplaas kan vervoer.
As drie 3-ton trokke elkeen net 1 keer ry, dan is al die gras gevat. Selfs as net die brandstof betaal word vir privaatvervoer betaal kan word, sal dit steeds goedkoper uitwerk as die R5 000 vir die munisipale vragmotor.
Enige persoon wat behulpsaam kan wees, word versoek om met raadslid Len Rauch (083 284 2221) te kontak. Beide raadslid Rauch en raadslid Barney Groenewald het aangedui dat hulle die kleinboere van Buisplaas van hulp wil wees.
'Ons bring jou die nuutste Tuinroete nuus'
