Bianca is terug

Gallery Video

GEORGE NEWS AND VIDEO'S - Bianca Buitendag, silwermedaljewenner in die vroueafdeling van die branderplankrykompetisie by die Olimpiese Spele, is vanoggend met ope arms terugverwelkom.

Die vliegtuig van Johannesburg het kort voor 10:00 op die George-lughawe geland.

'n Groot klomp ondersteuners het al van vroeg in die parkeerterrein van die lughawe bymekaargekom. Onder hulle was familie en vriende met branderplanke.

Passasiers op die vlug het vertel dat sy spesiaal in die vliegtuig verwelkom is. Spontane applous het losgebars toe hulle hoor wie in hul midde is.

LEES: Bianca op pad terug

Leon van Wyk, George se burgemeester het haar in die aankomssaal met 'n bos blomme terugverwelkom in George.

Fotogalery: George verwelkom Bianca

Toe sy na buite stap het oorverdowende applous losgebars. Leerlinge en onderwyspersoneel van die Hoërskool Outeniqua waar sy in 2011 'n gr.12- leerling was, was onder diegene wat haar toegejuig het.

Van haar branderplankvriende het 'n erewag met branderplanke gevorm.

LEES: Vicbaai se trots

Lede van die koor van die Life Christian Academy het Suid-Afrika se volkslied vir haar gesing. Sy het ook geduldig vir foto's saam met ondersteuners geposeer.

Later het sy op 'n triomftog op 'n voertuig onder begeleiding van wetstoepassers deur George se strate vertrek.

Kyk die video's hieronder:

Groot opgewondenheid by George lughawe vir Bianca se aankoms. Video: Eugene Gunning