WILDERNESS NUUS - Een van Wilderness se bekendste gesigte is net voor Nuwejaar oorlede.
Pieter (Siebert) du Toit was alombekend by inwoners en toeriste as die motorwag by Jack's Paint & Hardware, waar hy ook gewoon het in 'n steeg langs die N2.
Voorheen 'n inwoner van Hoekwil, het hy om onbekende redes op straat beland en die parkeerarea by die hardewarewinkel sy tuiste gemaak. Hy het daar onder 'n seil gewoon en van fooitjies en kos wat mense vir hom gebring het oorleef.
Sy gesondheid was nie goed nie, en blootgestel aan die wind en weer, het hy teen Kersdag begin kla van nier- en borsprobleme, waarna hy in die hospitaal opgeneem is.
Behalwe vir 'n broer wat nie opgespoor kan word nie, het hy geen naasbestaandes gehad nie.
'Ons bring jou die nuutste Wilderness, Tuinroete nuus'
