GEORGE NUUS - Die jongste leerders van Laerskool New Dawn Park was slaggereed vir hul eerste skooldag.

Dié skool in Pacaltsdorp het tans vier gr. 1-klasse, met 160 leerders altesaam. 

Skoolhoof Francois Visagie heet al die leerders hartlik welkom: "Fokus en bly toegewyd tot julle skoolwerk.

"Ouers, laat ons hande vat en betrokke wees in ons leerders, u kinders se lewe. Kom ons ondersteun hulle, sodat hulle tot hul volle potensiaal kan ontwikkel."

Juffrou Tracey-Kim Figland en skoolhoof Francois Visagie met 'n klompie opgewonde graadeens by Laerskool New Dawn Park. Foto's: Michelle Pienaar

Donelle Hufke (links) en haar klasmaat Lee-Tarynn James in juffrou Tracey-Kim Figland se klas by Laerskool New Dawn Park.

Patrick Fillies en Zu-Allon Tarentaal lyk op hul gemak met hul eerste skooldag by Laerskool New Dawn Park.

'Ons bring jou die nuutste George, Tuinroete nuus'