GEORGE NUUSFLITS - Die vyf-jarige Natalie Baartman, van Syferfontein, wat op 11 Februarie verkrag en vermoor is, is Saterdag 25 Februarie uit Eagles Nest in Pacaltsdorp begrawe.
Minstens 150 inwoners van Syferfontein het haar begrafnis bygewoon.
Die atmosfeer tydens pastoor Jannie Horne se bemoedigende boodskap was bedroef, maar dit was vir die Syferfontein-inwoners steeds aangrypend.
Die polisie het haar liggaaam, kort na sy as vermis aangemeld is Maandagmiddag 13 Februarie, slegs sowat 50m van haar huis opgespoor. Sy is verkrag en versmoor.
Die verdagte, Johannes Frieslaar, is kort daarna in hegtenis geneem en verskyn weer 20 Maart in die George-landdroshof. Hy is bekend aan die gesin.
Lede van die gemeenskap, insluitend George-raadslede, het geld bygedra om vir Natalie ‘n waardige begrafnis te gee, aangesien haar ouers geen geld of ‘n begrafnispolis het nie.
Natalie se ouers, Dora en Dawid Baartman, laat sak Natalie se kissie in die graf.
Klik hier vir vorige artikels:
- Dogtertjie (5) glo slapend na dood gedra
- Dogtertjie (5) vermoor: Verdagte in hof
- 5-Jarige dogtertjie vermoor: Verdagte vas
- Dogtertjie (5) verkrag en verwurg
- Vermoorde dogtertjie (5) was half naak
- Liggaam van 5-jarige dogtertjie gevind
Lees meer in Donderdag se George Herald, asook aanlyn.
'Ons bring jou die nuutste George, Tuinroete nuus'
