GEORGE TENNIS NUUS - Die George-tennisklub se eersteligaspan het sy onoorwonne status in die Eden-tennisvereniging se gemengde ligakompetisie behou toe hy die span van Wesbank Saterdag op Oudtshoorn met 4-2 geklop het.
Wesbank het goed begin toe Jacques de Beer en Christine van Coller vir Charl Opperman en Karin Deltenre in drie stelle met 6-3, 4-6, 6-4 geklop het.
George het sake egter gelyk gemaak toe Helgard Muller en Jackie Jones vir Pietman Schoeman en Rida Bester met 6-0, 6-3 verslaan het.
Die twee plaasvervangers van Wesbank, Paul Fourie en die 14-jarige Patricia Esterer, het goed vertoon in hul kragmeting met Willie Breytenbach en Sonja Botha, maar met 3-6, 3-6 die onderspit gedelf.
Die wedstryd tussen die topgekeurdes, De Beer en Van Coller van Wesbank en Muller en Jones van George is deur laasgenoemde paar met 6-3, 6-3 gewen wat aan die besoekers 'n voorsprong van 3-1 besorg het.
Pietman Schoeman en Rida Bester het Wesbank 'n kans gegee om sake gelyk te trek deur vir Willie Engelbrecht en Sonja Botha met 6-2, 6-4 te klop, maar Charl Opperman en Karin Deltenre was te sterk vir Paul Fourie en die jong Esterer. Hulle het met 6-3, 6-2 gewen om aan George die oorwinning te besorg.
Helgard Muller volg sy handrughou.
Die tennisspanne van Wesbank en George is voor, van links: Sonja Botha, Christine van Coller, Karin Deltenre, Patricia Esterer, Jackie Jones en Rida Bester. Agter staan Pietman Schoeman, Helgard Muller, Jacques de Beer, Charl Opperman, Paul Fourie en Willie Breytenbach. Foto: Garnett Wicomb.
'Ons bring jou die nuutste George, Tuinroete nuus'
