SUID-KAAP NUUS - Twee sterk spanne wat meeding vir 'n plek in die kwalifiserende rondes van die Sedgars premierliga, Pirates United en Harlequins Magte het beide verlede naweek verrassende nederlae gely.
Pirates (163 almal uit) het met 49 lopies teen Western Hope (222 almal uit) verloor, terwyl George (115 almal uit) Harlequins (88 almal uit) in 'n lae telling wedstryd met 27 lopies gewen het. Grant Simpson (6/19) was George se beste bouler.
Union Stars (196/5) het slegs 37,2 boulbeurte nodig gehad om Mosselbaai se redelik kompeterende telling van 194 lopies vir 8 paaltjies verby te steek. Union Stars het met dié oorwinning 'n bonuspunt verower.
Regan Booysen se 56 lopies het as Union Stars se beste kolwer uitgeblink. Vir Mosselbaai het Neil Ferreira met 63 lopies ook sy slag met die kolf gewys.
Ramblers (117/9) het Pacaltsdorp (116 almal uit) geklop. NMMU (46/2) het met 'n agt paaltjie oorwinning oor Sussex (45 almal uit), hul hoop op 'n topposisie in die premierliga lewendig gehou. Coenie Nel het vyf van Sussex se paaltjies vir slegs 15 lopies laat kantel.
Sondag se wedstryd tussen NMMU en Ramblers is weens reën gestaak.
Die opgesomde telkaarte:
Mosselbaai - 194/8 (50): Neil Ferreira 63, Shaun Ferreira 51, Tony Ferreira 30, Marcello Piedt 2/25, Reagan Booysen 2/32, Hershell America 2/46.
Union Stars - 196/5 (37,2): Reagan Booysen 56, Geoffrey Perel 47, Marcello Piedt 20*, Shane Smith 2/39.Union Stars wen met vyf paaltjies.
Pacaltsdorp - 116 (48): Jaco van Greunen 15, Gilroy Saaiman 2/7, Quinton Davids 2/21, Shaun Pretorius 2/23.
Ramblers - 117/9 (40,4) (Fabian Campher 29, Shaun Pretorius 28, Robin Hector 4/32, Monray Willeman 3/12.
Ramblers wen met een paaltjie.
Sussex - 45 (18,3): Coenie Nel 5/15, Hanno Kotze 4/12.
NMMU Madibaz George - 46/2 (8): (Johandre Barnard 36, Regart Olkers 1/7, Godwin Plaatjies 1/15.
NMMU Madibaz George wen met agt paaltjies.
George - 115 (33.2): Jaco Janse van Rensburg 29, Franco Geldenhuys 27, Morné Jewell 6/28, Enverino Swartz 2/33.
Harlequins Magte - 88 (23.2): Jermaine le Kay 19, Grant Simpson 6/19, Raymond Terblanche 2/21, Divan Coetzer 2/37.
George wen met 27 lopies.
Western Hope - 222: Chrizendo Maksella 44, Douglas Baartman 43, Welton Verlaat 36, Jolan Anthony 28, Donovan Gelant 20.
Pirates United - 163: Jaco de Lange 53, AB van der Walt 28, Marshall Philander 40.
Western Hope wen met 49 lopies.
Wedstryd onbeslis.
'Ons bring jou die nuutste Tuinroete, Klein Karoo, Hessequa nuus'
