GEORGE NUUS - Die Elroy Gelant-nagwedlope het gisteraand (Woensdag 28 Desember) in ‘n feestelike atmosfeer op Pacaltsdorp plaasgevind.
Die wedlope, wat deur Rainbow Atletiekklub George aangebied is, het 450 atlete gelok.
Die sangroepe, Rastas, Koikoi, Hakkiesdraad en Idols het bygedra tot die aand se sukses.
Olimpiese atlete Elroy Gelant en Anel Oosthuizen was ‘n groot aantrekkingskrag.
Die 19-jarige Ruben Dlephu van Langeberg-atletiekklub was eerste oor die wenstreep in die 8 km padwedloop vir ope-mans. Die Nedbank SWD atlete, Elfonzo Pieterse en Dullan Solomons was onderskeidelik tweede en derde oor die wenstreep.
Die ope-vroue afdeling is oorheers deur Andrea Steyn van KPMG, Leilani Scheffer van Run & Walk for Life Rustenburg en Stephany Petro van Rainbow-atletiekklub, George.
8 km Ope-vroue wenners: Andrea Steyn (eerste), Leilani Scheffer (tweede) en Stephany Petro (derde).
Die ope-mans wenners in die 8 km: Ruben Dlephu (eerste), Elfonzo Pieterse (Tweede), Anel Oosthuizen (Olimpiese atleet), Dullan Solomons (derde).
ARTIKEL & FOTO'S: ANDRé STANDER
'Ons bring jou die nuutste George, Tuinroete nuus'
