Hulle het aan die George Herald gesê dat hulle uit die staanspoor aanbeveel het dat 'n skikking met Harold Basson bereik word.
Bazil Petrus van SAC sê nieteenstaande hulle versoek, het die DA-beheerde raad voortgegaan en 'n ondersoek begin. "Ons wil graag weet wat dit gekos het. Dit was onnodig en nou het Advokaat Yolande Jacobs in elk geval bevind dat Basson aan geen oortreding skuldig is nie."
Piet van der Hoven van die ANC het gesê Basson is geskors ondanks die feit dat hy sy werk 'tot op die letter gedoen het'. "Hy behoort weer aangestel te word."
Abel Kiwit van die AIC is bekommerd dat die munisipaliteit die R50 miljoen gaan verloor. "'n Kontrakteur moet 1 Julie op site wees en die eerste betaling moet dan al gedoen wees. Gaan hulle dit haal? Wat as 'n maatskappy 'n dispuut verklaar?"
Wilber Harris van Icosa het gesê die ondersoek na Basson en die aanbiedings van vroeë terminasie van kontrakte dui op vrugtelose uitgawes. Die burgemeester moet self pa staan en betaal."
Virgill Gericke van die PBi het gesê hy is nie 'n Basson fan nie, maar dat hulle veg vir die regte prosesse.
"Die DA wil nie sê wat die ondersoek gekos het nie. Dis op die ou end die belastingbetaler wat die geld verloor."
1. Die saak teen Basson laat vaar word;
2. Dat die aangeleentheid nie met ander direkteure se kontrakte geaffilieer word nie;
3. En dat raadslede wat gestem het vir die ondersoek teen Basson, persoonlik verantwoordelik gehou word vir die kostes.
ARTIKEL: ILSE SCHOONRAAD, GEORGE HERALD-REDAKTEUR
'Ons bring jou die nuutste George, Tuinroete nuus'
