Pieter le Roux het Maandagoggend 1 Augustus in die Riversdal Landdroshof verskyn.
Die saak is uitgestel tot Woensdag 10 Augustus.
Hy bly tans in aanhouding terwyl die ondersoek voortduur.
Forensiese Patalogiese Dienste in George is besig om 'n graaf en koevoet te toets vir forensiese bewyse om te bepaal watter wapen in die aanval gebruik is.
Die voorlopige ondersoek dui daarop dat die moord Donderdagoggend 28 Julie omstreeks 05:25 plaasgevind het.
Aanvanklik het die verdagte beweer dat hy die liggaam van die oorledene ongeveer 10km verder in 'n bos langs 'n grondpad gevind het, nadat sy vroeër die oggend uit die huis is en met haar voertuig weggery het. Dit het intussen aan die lig gekom dat hyself die liggaam verwyder en in die bosse gaan plaas het.
