GEORGE NUUS - Danksy die warm harte van die George Vryburgers glimlag YFC Options-sorgsentrum.
Tydens 'n geleentheid op 5 Mei het die George Vryburgers 'n skenking van R15 000 aan YFC Options-sorgsentrum oorhandig.
Dit was deel van die George Vryburgers se Kos vir Kinders-projek.
Laurie Edwall, die direkteur van YFC Options-sorgsentrum, het die donasie namens Options ontvang. Die skenking sal kliënte van die YFC Options-sorgsentrum help om aan hulle kinders 'n beter voedingsgrondslag te bied.
YFC Options-sorgsentrum is geleë in Albertstraat 54, George. Hulle is oop weeksdae tussen 09:00 en 16:00.
Hulle visie is om die jeugdiges en gesinne wat in 'n swangerskap- of MIV krisis is, te help deur middel van berading en ondersteuning. Alle dienste is gratis en vertroulik.
YFC Options-sorgsentrum kan gekontak word by 044 874 7414.
'Ons bring jou die nuutste George, Tuinroete nuus'
