GEORGE NUUS - Die sakeman van Port-Elizabeth, wat daarvan beskuldig word dat hy duisende rande se Persiese matte in Mei 2016 by Gallery 7 in die Eden Meander Lifestyle Centre gesteel het, het Vrydag 8 Desember in die Thembalethu-streekhof verskyn.
Die winkel se bestuurder, Aletta Kümm, het Vrydag begin om haar getuienis te lewer, maar weens 'n gebrek aan tyd is die saak tot 8 en 9 Februarie uitgestel vir Kümm se getuienis om voort te gaan en vir ander betrokkenes om te getuig.
Tarkan Cakmak het na bewering op 28 Mei 2016 Persiese matte ter waarde van sowat R300 000 op besending by Gallery 7 geneem.
Hy het glo gesê hy wou sien of die matte by sy huis in Sandsweg in Wilderness pas.
Met hul aankoms in Sandsweg het die werkgewer van Gallery 7, wat Cakmak vergesel het, uit die motor geklim waarna Cakmak na bewering weggery het.
Hy is op 12 Junie 2016 by sy eie besigheid in die Greenacres-winkelsentrum in Port Elizabeth in hegtenis geneem.
Hy het vyf dae later in die Thembalethu-landdroshof verskyn en is op borgtog van R10 000 vrygelaat.
Die saak dien voor landdros Pumela Yono. Cakmak word deur Stuart Laubscher verteenwoordig en Karen Barnard verskyn vir die staat.
* The Port Elizabeth businessman accused of stealing thousands of rand's worth of Persian carpets from Gallery 7 in the Eden Meander Lifestyle Centre in May 2016, appeared in the Thembalethu Regional Court again on Friday 8 December.
The shop manager, Aletta Kümm, began to testify, but due to a lack of time the case was postponed to 8 and 9 January for Kümm's testimony to continue and for other witnesses to testify.
Click here for previous articles:
- Alleged carpet thief in court in May
- Carpet theft case postponed
- Update: Carpet ride accused in court
- Carpet ride accused back in George
'We bring you the latest George, Garden Route news'
