GEORGE NUUS - George-polisie is op soek na inligting rakende 'n inbraak by Laerskool Kretzenshoop in Blanco, op 16 April.
Volgens die Suid-Kaapse polisiewoordvoerder, kapt. Malcolm Pojie, het twee verdagtes die skoolterrein binnegegaan nadat hulle 'n deur oopforseer het om toegang tot die stoorkamer te kry.
"Hulle het 'n ketel en 'n maroenkleurige bossieslaner ('weedeater') gesteel. Niemand is nog in hegtenis geneem nie en die ondersoek gaan voort," sê Pojie.
Enigiemand met inligting rondom die voorval word gevra om die ondersoekbeampte, konstabel Thando Kibido, by 044 803 4715 te kontak.
Alle inligting sal vertroulik hanteer word.
George police are looking for information regarding a burglary at Kretzenshoop Primary School in Blanco on 16 April. "Two suspects entered the school premises after they forced open a door to gain entrance to the storeroom after which they stole a kettle and a maroon weedeater. No one has been arrested yet," said Southern Cape police spokesperson, Malcolm Pojie. According to Pojie the investigation into this matter is ongoing. Any person with information is asked to contact the investigation officer, Const Thando Kibido on 044 803 4715. All information will be dealt with in confidentially.
'Ons bring jou die nuutste George, Tuinroete nuus'
