GEORGE NUUS - Georgiete word uitgedaag om 5 liter en 20 liter houers te skenk vir water wat volgende Maandag na droogtegeteisterde dorpe vervoer word. Sedert Madeleine Dehantschutter en Sue Wolmarans hierdie inisiatief einde Desember begin het, is sowat 30 000 liter reeds aan dorpe in die noorde van ons land besorg.
"Ons volgende mikpunt is om 10 000 liter water teen volgende Maandag by die ou Tavcor-gebou in te samel," het Dehantschutter gesê.
"Albertinia Meubelvervoer gaan die water na Jacobsdal of Senekal neem, sowel as 'n 3 000 liter watertenk wat aan 'n skool of ouetehuis geskenk gaan word. Dit is tans kurkdroog in Jacobsdal en Senekal het ook groot probleme."
Die helfte van die laaste vrag wat Albertinia Meubelvervoer aangery het, is in Senekal afgelaai. Hiervan was die helfte 'n skenking geseëlde waterbottels - bykans 2 000 liter - van Just Water George.
Oor die naweek is reeds 3 787 liter van die gemeenskap ontvang. Albertinia Meubelvervoer gaan moontlik weekliks water na Jacobsdal vervoer. "Om water te kry is die maklike deel, ons soek steeds 5 liter waterhouers, want dit pak lekker. Baie mense het gebel en gesê ons kan hulle reënwater kry.
Dit is egter 'n onbegonne taak om hierdie water in 2 liter koeldrankbottels aan te ry," het Dehantschutter gesê. 'n Plaaslike boer, Jaco le Roux, het 44 dromme geskenk wat elk 20 liter water kan berg. Interwaste het ook onderneem om houers bymekaar te maak waarin water vervoer kan word. Dehantschutter is ook opsoek na 'n vurkhyser sodat 'n
1 000 liter tenk, wat by Tavcor staan, volgemaak kan word.
700 liter water by inwoners versamel. "Ons is geïnspireer deur hierdie inisiatief en daag ander buurtwagte uit om dieselfde te doen," het Allen Parks, bestuurslid van Delville Park Crime Spotters, gesê.
Avbob het reeds ingespring en sowat 10 000 liter water na Bloemfontein vervoer. Volgens Gert Niehaus, eienaar van Avbob George, is hulle dankbaar om te kan help. "Ons beoog om een keer per week 'n vragmotor vol water op te stuur," het hy gesê.
- Grumpy Griller in Yorkstraat; Sasol-vulstasie oorkant Eden-gemeente langs die N2;
- Die parkeerarea van die ou Tavcor-gebou (gebruik die ingang in Laingstraat);
- Eden Caltex-vulstasie oorkant Hoërskool Outeniqua.
Vir inligting kontak Madeleine by 083 397 8106 of Sue by 061 835 9720.
* A local initiative to transport water to the drought-stricken northern parts of our country is still going strong. Locals are being challenged to provide 5 litre and 20 litre containers in which water can be stored for trips to Senekal and Jacobsdal - towns that have run dry. The aim is to collect 10 000 litres of water by next Monday. Albertinia Vervoer will collect the water and deliver it to the towns.
Click here for previous articles:
George Delport (agter tweede van links) en sy vrou Lalie het hul bakkie en sleepwa gebruik om Sondag water by die Sasol-vulstasie oorkant Eden-gemeente op te laai. Saam op die foto is petroljoggies van Sasol, en (voor van links) Linda Griessel en Madeleine Dehantschutter. Die water word tans by die ou Tavcor-gebou gestoor.
ARTIKEL: MICHELLE PIENAAR, GEORGE HERALD-JOERNALIS
'Ons bring jou die nuutste George, Tuinroete nuus'
