GEORGE NUUS - AfriForum se buurtwagte in George het gisteraand vyf huise in dié dorp van verdere oorstromings gered.
Dié buurtwagte was besig om patrollie te ry in onderskeidelik George-Suid en Loeriepark, toe hulle sien hulp word benodig.
Die Suid- en Wes-Kaap ervaar die afgelope paar dae swaar reënneerslae wat die stormwaterstelsel nie na behore kan weglei nie.
“Die buurtwaglede het ingespring met pikke, grawe en hamers om slote te grawe om die water in die wonings na dreineringsgate te lei wat hulle in die mure gemaak het om verdere waterskade aan die eiendomme te verhoed,” sê Elmar Stander, voorsitter van die AfriForum-tak in George.
“Ons is trots daarop om diens aan gemeenskappe in nood te kan lewer.”
Sedert gisteroggend is daar 58mm reën by die waterwerke in die berg gemeet. Daar was ook talle oorstromings in die laagliggende gebiede.
Meer inligting volg soos dit beskikbaar word.
Meer inligting volg soos dit beskikbaar word.
Nog 'n huis wat oorstroom het.
'Ons bring jou die nuutste George, Tuinroete nuus'
