GEORGE NUUS - 'n Sakeman (40) van George wat daarvan beskuldig word dat hy vir twee jaar lank sy biologiese dogter verkrag het, is verlede Donderdag in die George-hof borgtog geweier.
Die beskuldigde, wat in die George-tronk aangehou word, is vroeër die maand op 7 Mei deur lede van gesinsgeweld, kindermishandeling en seksuele misdrywe eenheid (GKS) by sy huis in hegtenis geneem.
Sy 16-jarige dogter het die voorvalle aan 'n maatskaplike werker by die skool gerapporteer wat die polisie gekontak het.
Die voorvalle het na bewering tussen 2012 (toe die slagoffer 14 jaar oud was) en 2014 plaasgevind, onder andere by die beskuldigde se huis en sy onderneming in die nywerheidsgebied.
Hy staar vier klagtes van verkragting in die gesig en nog klagtes kan moontlik later bygevoeg word.
Foto's van beserings wat die slagoffer en haar ma opgedoen het, nadat hulle na bewering deur die beskuldigde aangerand was, is ook by die hof ingedien.
Die man verskyn op 30 Junie weer in C-hof.
Adv. A Schmidt het vir die beskuldigde verskyn. Die saak word deur adjudant-offisier Vernon Sparks van die GKS-eenheid ondersoek.
Die man van Pacaltsdorp wat na bewering 'n kind by sy stiefdogter verwek het nadat hy haar verskeie kere verkrag het, verskyn ook volgende Vrydag 5 Junie weer in die George-hof. Die beskuldigde (67) het glo 'n kind by sy stiefdogter verwek toe sy 14 jaar oud was.
Die man van Denneoord (50) wat daarvan verdink word dat hy sewe jong meisies verkrag het terwyl hul by sy dogter (12) oorgeslaap het verskyn vandag (28 Mei) weer in die George-hof.
Die verdagte is op 28 November 2014 in hegtenis en word tans aangehou by die George-tronk.
Klik hier vir vorige artikels:
- Pa wat glo verkrag weer later in hof
- Pa wat glo verkrag weer in hof
- Pa wat vriendinne glo verkrag Maandag in hof
- Man vas vir pornografie in hofselle aangerand
- Opvolg: Man vas vir kinderpornografie
- Child porn scandal hits George
ARTIKEL: LIZETTE DA SILVA, GEORGE HERALD-JOERNALIS
'Ons bring jou die nuutste George, Tuinroete nuus'
