GEORGE NUUSFLITS - Drie persone, twee vroue en ‘n man, wat Woensdagaand by ‘n beweerde bordeel in Cradockstraat aangekeer is, verskyn na verwagting vandag in die George-landdroshof.
Die verdagtes, almal Chinese, is omstreeks 18:30 tydens ‘n geheime operasie (Sting) deur lede van die Valke aangekeer.
Die verdagtes staar klagtes van onder andere prostitusie en die bedryf van ‘n bordeel in die gesig.
Volgens kapt. Malcolm Pojie, die Suid-Kaapse polisiewoordvoerder, is inligting ontvang dat ‘n bordeel van die huis bedryf word.
“Die inligting is opgevolg waarna ons ‘n lasbrief bekom het en by die perseel toegeslaan het.”
'Ons bring jou die nuutste George, Tuinroete nuus'
