GEORGE NUUS - Tekkie Tax 2013 het alle verwagtings oortref deur R2,4 miljoen in die eerste jaar in te samel. Meer as 180 Suid-Afrikaanse welsynsorganisasies het daarby gebaat en alle fondse is gedurende November 2013 verdeel.

So watter sektore het naaste aan die publiek se harte gelê? 34 % van die deelnemers het 'n C-plakker gekies, wat kinders verteenwoordig, so kinders was die sektor wat die meeste ondersteun is.

Hierdie jaar bied die Tekkie Tax-span jou weer 'n geleentheid om te wys waar jou hart lê op Vrydag 30 Mei. Die publiek word gevra om 'n Tekkie Tax-plakker aan te skaf vir 'n R10-donasie.

Daar is vyf verskillende plakkers om van te kies, elkeen verteenwoordig 'n spesifieke afdeling van dienslewering. Afhangende van waar jou hart lê, kies jy een of meer van die afdelings wat jy wil ondersteun met jou R10-plakker donasie:

• Allerande DIERE
• Basiese FAMILIE dienste
• Cool KINDERS
• Dienslewering aan GESTREMDES
• Essensiële ONDERWYS

Op Tekkie Tax dag dra jy jou groot plakker op jou bors en die kleintjie sit jy op jou selfoon, om daar te bly vir die res van die jaar. Wat ook al jou uitrusting vir die dag, maak seker om jou tekkies te dra!

Jy kan selfs jou tekkies optooi deur 'n paar van hulle super oulike skoenveters "Tekkie Tags" aan te skaf vir 'n R30-donasie en die plakker van jou keuse is ingesluit.

Ondersteun Tekkie Tax dag op Vrydag 30 Mei.

'Ons bring jou die nuutste George, Tuinroete nuus'