GROOT-BRAKRIVIER NUUS - Die beskuldigde Nathan Mowers (23) wat skuldig bevind is op die verkragting en moord van Lesley-Ann Maya (17) is gister 4 Mei tot lewenslange gevangenisstraf gevonnis.
Mowers het sy vonnis emosieloos in die Mosselbaai Streekhof aangehoor.
Regter E.T Steyn het aan Mowers gesê dat hy geen berou oor sy dade toon nie.
Steyn het gesê dat Mowers se dade koud en wreedaardig was en dat hy hom deurgaans tydens die verhoor probeer veronskuldig het.
“Die slagoffer het die beskuldigde vertrou. Sy het vir hom koffie in haar huis gemaak. Die misdaad was brutaal. Die misdaad is met intensiteit en deursetting uitgevoer.
Steyn het gesê die motief vir die moord bly duister en dat daar vir haar geen rede is om van die minimum voorgeskrewe vonnis af te wyk nie.
Sy het gesê die beskuldigde het opgetree soos ‘n volwassene toe die misdaad gepleeg is en moet “nou sy vonnis vat soos ‘n man”.
Mowers sal dus vir minstens 25 jaar in die tronk bly voordat hy in aanmerking kan kom vir parool.
Lesley-Ann se ma (sittend) en haar ouma (regs) vertroos mekaar na afloop van die vonnisoplegging.
Klik hier vir vorige artikels:
- Powertown-moordenaar erken skuld
- Powertown-moorde: Vonnisoplegging in Mei
- Opvolg: Powertown-moordenaar vas
- Powertown-moorde: Verdagte skuldig
- Powertown-moorde: Uitspraak Woensdag
- Powertown-moorde: Verhoor in hooggeregshof
- Powertown-moorde: Verhoor begin vandag
- Powertown murders: Case in high court
- Powertown-moorde: Verdagte dié week in hof
- Opvolg: Powertown-moorde
- Powertown-moordverdagte in hof
ARTIKEL: LOUISE KARSTEN, MOSSEL BAY ADVERTISER-JOERNALIS
'Ons bring jou die nuutste Groot-Brakrivier, Tuinroete nuus'
