Jaco Stevens (21) en sy ouer broer Robert (24) het saam met ‘n “kuiervriend”, wat hulle net ken as “Koppe”, regs van Lientjiesklip hul vierman-tent opgeslaan. Koppe woon in Kaapstad en het die naweek by hulle kom kuier.
Die broers het vroegaand na die kaffee gestap vir verversings, terwyl hulle vriend lyn natgemaak het. Met die terugkoms het hulle hom aangetref op die sand, op sy maag, met sy hande en voete vasgebind.
“Hulle het alles gevat. Visvangsakke en die tent,” het Jaco gesê. Gelukkig het ons nie met ‘n motor gekom nie, my ma het ons kom aflaai want ons sou oornag.
Die broers het besluit om nie die saak by die polisie te open nie, “want dit gaan tog nie help nie,” het Jaco gesê. Hy reken wanneer hulle weer gaan visvang sal hulle in groter getalle die waters aandurf. “Dit is die eerste keer wat so iets met ons gebeur,” het Jaco gesê. “Ons het groot geskrik.”
Lees meer in Donderdag se George Herald, asook aanlyn.
'Ons bring jou die nuutste George, Tuinroete nuus'
