GEORGE NUUS - Temperature is besig om te daal met die winter wat om die draai lê, maar in sekere gebiede in en om George is daar nie sprake van 'n winterslapie nie, want ywerige tuiniers is besig om hulle groentetuine in alle erns voor te berei vir die Kos en Fynbos-winterkompetisie in Junie.
Bykans 150 mense het al ingeskryf, sê die organiseerder, Rose Lewis wat Kos en Fynbos en die Plaaslike Ekonomiese Ontwikkelingsdepartement verteenwoordig.
Daar is 'n kompetisie in drie wyke:
• Pacaltsdorp; en
• Kleinkrantz en Touwsranten.
Mense met 'n liefde vir tuinmaak word genooi om die koördineerders in die onderskeie areas te kontak. "Mense het nie nodig om reeds 'n groentetuin of groot spasie te hê nie. 'n Klein demonstrasietuin kan in hul tuine gedoen word om te wys dat 'n mens 'n volhoubare groentetuin op 'n beperkte stukkie grond kan kweek. Die demonstrasietuine word gratis deur kundiges aan vrywillige tuiniers oorgedra," sê Rose.
"Ons doel is om mense met 'n liefde vir tuinmaak aan te moedig om gesonder en uit hul tuin uit te leef. Uiteindelik wil ons hê dat tuinmakers hul kennis en later ook saailinge met mekaar deel."
Die koördineerders is soos volg: Rosemoor - Marco Sauer (Francisstraat 16); Proteapark – Linda Lodewijk (071 294 4634); Dellvillepark – Magda Fontein (071 235 6726); New Dawnpark – Isaac Jafta (074 635 8512); Rosedale – Alice Jafta (074 635 8512); ander dele van Pacaltsdorp – Johanna Phillips (084 602 3450); en Kleinkrantz en Touwsranten – Jacqueline Buys (073 751 9179).
1. Verskeidenheid van gewasse in die groentetuin;
2. voorbereiding wat die tuinier doen (word daar byvoorbeeld kompos gemaak); en
3. netheid en hoe kreatief die tuinier omgaan met die hergebruik van afvalprodukte in die tuin om verfraaiing te doen of praktiese probleme op te los. (Kos en Fynbos wil hê mense moet besef dat hulle nie noodwendig goed hoef te gaan koop nie.)
Inskrywings sluit môre, 24 April en beoordeling geskied teen einde Mei.
Die prysuitdelings vind soos volg plaas: 4 Junie in Kleinkrantz (plek sal aangekondig word), 5 Junie in die Rosemoor-gemeenskapsaal, en 6 Junie in die Pacaltsdorp-gemeenskapsaal. Elke geleentheid begin om 09:00 en sluit om 12:00 af.
• Kos en Fynbos is 'n plaaslike beweging wat voedselsekuriteit en 'n gesonde omgewing en gemeenskap wil bevorder deur die aanplant van organiese kostuine aan te moedig.
ARTIKEL: ALIDA DE BEER, GEORGE HERALD-JOERNALIS
'Ons bring jou die nuutste George, Tuinroete nuus'
