GEORGE NUUS - Maria Figeland van Rondevlei het op 13 Augustus haar 89ste verjaarsdag saam met familie gevier.
Figeland, ook bekend as Ant Meraai, het grootgeword met 'n suster en drie broers, waarvan sy die enigste oorlewende is. Sy moes ook van kleins af na haar pa omsien en het nooit haar ma geken nie.
Haar raad vir 'n lang lewe is eenvoudig: "Eer jou vader en jou moeder sodat dit goed kan gaan met jou en moet nooit teëpraat nie," sê sy.
Haar dogter Myra Claassen, vertel met trots hoe haar ma nog self kosmaak, inkopies doen en wasgoed was. "Ons is so dankbaar teenoor die Here vir haar lewe en genade jare."
Figeland het 32 kleinkinders, 48 agterkleinkinders en vyf agter-agterkleinkinders.
'Ons bring jou die nuutste George, Tuinroete nuus'
