GEORGE NUUS - Die provinsiale verkeershoof, Kenny Africa het gister in die binneverhoor van Frickel Terblanche, ‘n voormalige provinsiale verkeersman, in die George-streekhof getuig.

Terblanche se regsverteenwoordiger, mnr. Nico Smit, het vroeër aan streeklanddros Herman Buhr gesê hulle betwis nie dat dit wat Terblanche aan Tonkin gesê het, reg neergeskryf is nie, maar voer aan dat Terblanche 'n vals verklaring afgelê het, na beloftes deur Africa en die polisie dat hy nie verder vervolg sal word nie.

Sy inhegtenisname kom na ‘n uitgebreide ondersoek ná bewerings dat hy omkoopgeld aanvaar het om boetes te verminder.

Africa en 'n senior polisie-offisier, kol. Beneke van Kaapstad het gister in die getuiebank ontken dat hulle enige beloftes aan Terblanche gemaak het. Hulle het getuig dat hy die bekentenis uit vrye wil afgelê het.

Die saak is tot 20 April 2015 uitgestel. Mnr. MP Heyns verskyn vir die staat.

ARTIKEL: LIZETTE DA SILVA, GEORGE HERALD-JOERNALIS

Klik hier vir 'n vorige artikel.

'Ons bring jou die nuutste George, Tuinroete nuus'