LANDBOU NUUS - Klein-Karoo Saadproduksie (KKSP) het 'n uitstekende seisoen agter die rug.
Dit was die boodskap van uitvoerende bestuurder, David Malan, tydens 'n ontbyt by Surval Boetiek Olyflandgoed waar uitblinker saadboere erkenning ontvang het.
"KKSP het die afgelope jaar geweldig gegroei," het Malan gesê. "Die natuur en wisselkoers het reg geloop sodat ons 'n bydrae tot produsente se inkomste en lewenspeil kan lewer."
Volgens Malan is saad die eerste bousteen van voedselsekerheid in die wêreld. "In ons geval gaan dit oor groente waarsonder kosproduksie nie kan plaasvind nie. Van nou af tot in 2050 moet met 70 % toeneem – en hierdie kos kom van saad af."
Hierdie toename in kosproduksie moet plaasvind ten spyte van onvriendelike omstandighede soos minder bewerkbare grond en beskikbare water.
Volgens hom produseer kwekers in Suid-Afrika reeds 2 200 ha saad. "Die uie-komponent van 12% van die wêreld se bevolking se kos is reeds van ons afkomstig."
Die toekoms vir KKSP-kwekers lyk rooskleurig. KKSP voer reeds uit na groot lande en besighede en is bekend vir uitstaande produksie en diens.
"Weens onrus in die moderne Midde-Ooste het ons sedert 2011 nie toegang tot daardie lande nie, maar die krisis sal verbygaan en dan sal dit groot geleenthede vir ons skep."
Volgens Malan is daar in China 'n groot oplewing in die gebruik van lente-uie in tradisionele resepte. "Die New Bunching Onion is 'n splinternuwe tetraploïed-kultivar waarvoor na verwagting 'n groot mark binne 'n jaar of twee in Mexico en Suid-Amerika gaan ontwikkel."
Kontrakte vir die kweek van wortelsaad het ook geweldig gegroei.
"Daar word nuwe produkte ontwikkel om die mandjie uit te brei vir kliënte en wat kan lei tot beter grondbenutting kragtens isolasie vir die kweker."
Boere vanoor die Wes- en Noord-Kaap het die ontbyt bygewoon om hul toekennings in die verskillende kategorieë saad en geskenkbewyse as pryse te ontvang.
Twee uitstekende sprekers het die meer as 200 kwekers vanoor die hele Wes-Kaap tydens die ontbyt vermaak - die legendariese Johan Bakkes het van sy prettige stories vertel oor die warmste en koudste plekke wat hy al besoek het, terwyl ekonoom Dawie Roodt sy immer vars oorsig oor Suid-Afrika se demografie en ekonomie gegee het.
Boere wat die afgelope jaar uitgeblink het sluit in:
Wenner: Loutjie Hanekom (Welgemeen Boerdery (Pty), Clanwilliam
Naaswenner: Japie de Bruyn (Drilrivier Boer-dery Vennootskap), Clanwilliam
Wenner: Kriel Niehaus (CE Niehaus), Rouxville
Naaswenner: Attie Conradie (La Motte Boer-dery Trust, Nuyvallei
Wenner: Louis Zaayman (Fanie Zaayman Boerdery BK), Calitzdorp
Naaswenner: Hannes van Niekerk (Vanniek Boerdery BK), Calitzdorp
Wenner: Pieter Olivier (Vrisgewaagd Landgoed (Edms) Bpk), Prins Albert Naaswenner: Gert Joubert (GJ Joubert), Upington
Wenner: Hannes Esterhuyse (JVE Boer-dery), Williston
Naaswenner: Lefras Olivier (Gzero 2 Potato Propagation (Pty) Ltd), Clanwilliam
Wenner: André de Wit (Scholtzkloof Boerdery), Prins Albert
Naaswenner: Richard Terblanche (Augsburg Landbougimnasium), Clanwilliam
Wenner: Jannie Lategan (Jan J Lategan), Oudtshoorn
Naaswenner: Danie Schoeman (Excelsior Trust), De Rust Naaswenner: Celia le Roux (Domein Doornkraal (Edms) Bpk) en Oubaas Schoeman, De Rust
Wenner: Gert van der Merwe (Willow Creek Eiendomme (Edms) Bpk), Nuyvallei
Naaswenner : Frans (pa), Johannes en Bernard (broers) Delport (Delport Broers Boer-dery), De Rust
Wenner: Stefan Fourie (Rooikloof Boerdery), Calitzdorp
Wenner: Gert van der Merwe (Willow Creek Eiendomme (Edms) Bpk), Nuyvallei
Wenner: Frans (pa), Johannes en Bernard
(seuns) (Delport Broers Boerdery), De Rust
Wenner: Stefan Fourie (Rooikloof Boerdery), Calitzdorp
Naaswenner: Louis Zaayman (Fanie Zaayman Boerdery), Calitzdorp
Hannes Esterhuyse (JVE Boerdery), Williston
Kriel Niehaus (CE Niehaus), Rouxville
Vanjaar se uitblinkers is voor, van links: Hannes Esterhuyse, Andre de Wit, Pieter Olivier, Kriel Niehaus en Louis Zaayman. Agter: Gert van der Merwe, David Malan, Stander Terblanche, Louwtjie Hanekom, Jannie Lategan en Frans Delport. Esterhuyse en Niehaus is as beste nuwe toetreders aangewys. Foto: Tisha Steyn
ARTIKEL EN FOTO: TISHA STEYN, KORRESPONDENT
'Ons bring jou die nuutste Oudtshoorn, Klein Karoo nuus'
