GEORGE NUUS - ’n Mooi kultuurgeleentheid word op Saterdag 24 Oktober gehou, wanneer die Eendrag Volkspelelaer van George vanaf 10:00 tot 15:30 hul tradisionele Afrikaanse volksdanse (Volkspele) in die Voortrekkersaal gaan geniet.
Volkspelers van Kaapstad en Jeffreysbaai gaan ook dié saamtrek bywoon.
Dis die kans om meer te wete te kom oor ons Afrikaanse kultuur, wat eiesoortig en opbouend is en wat deur die hele familie beoefen kan word.
Oud-Volkspelers, hul familie en ander belangstellendes word uitgenooi om ’n aangename uurtjie of meer daar te kom deurbring. Verversings sal te koop wees.
Skakel gerus vir meer inligting en om te laat weet dat julle kom - selfoon of WhatsApp: Karen by 062 288 0965 of Mareta by 084 474 4904.
Foto ter illustrasie: Argiewe
‘We bring you the latest Garden Route, Hessequa, Karoo news’
