SUID-KAAP NUUS - Hengelaars van die Suid-Kaap het verlede naweek behoorlik skoonskip gemaak by die Kaapse Kuskampioenskappe wat by die Hartebeeskuildam op Hartenbos aangebied is.
Die Suid-Kaap het met die algehele eerste plek in die spankompetisie weggestap. Dié unie het ook 'n tweede, vierde en agste plek behaal met WP in die derde plek en OP vyfde, sesde en sewende.
Gert van der Merwe, Piet Botha, Jaco Nel, George Thom, John Louis van Zyl en Cora Share was in die Suid-Kaapse wenspan. Van der Merwe het uitgeblink deur die individuele titel in te palm met 'n wenvangs van 63 vis met 'n gewig van 65,33 kg. Ben Crafford, ook van die Suid-Kaap, was algeheel tweede en sy spanmaat Jaco Nel derde.
Jaco Nel van Suid-Kaap het die grootste blou kurper van 0,435kg gevang terwyl Sandri Wessels en Louise Botha, albei ook van die Suid-Kaap, in die topdrie in die vroue-afdeling geëindig het.
spanne van die Oos-Kaap en die Westelike Provinsie ook aan die tweedaagse toernooi deelgeneem.
Op die eerste dag het die visse mooi saamgespeel in die sterk wind en is in die meeste sones goeie vangste behaal. Van der Merwe het in sone drie 'n goeie sak met 32 vis van 28 kg geland, Dit het hom in daardie stadium die
gunsteling gemaak om die individuele titel in te palm.
Op dag twee is die hengelaars deur sonskyn, wind en reën getroef, maar dit het hulle nie ge-stuit om stewige vangste aan wal te bring nie.
Die Oostelike Provinsie is aanstaande jaar gasheer vir die kampioenskappe waar die Suid-Kaap hoop om hul titel te verdedig.
Die Suid-Kaap het koning gekraai en met die algehele eerste plek in die spankompetisie weggestap by die Kaapse Kuskampioenskappe wat by die Hartebeeskuildam op Hartenbos aangebied is. Die wenspan vir links: Piet Botha, Gert van der Merwe, Cora Share, George Thom, John Louis van Zyl en Jaco Nel. Ben Crafford (2de), Van der Merwe (alghelel wenner) en Nel (3de, almal van die Suid-Kaap,) is aangewys as die topdrie hengelaars by die kampioenskappe.
'Ons bring jou die nuutste Tuinroete, Klein-Karoo nuus'
