SUID-KAAP NUUS - Blanco se heelagter, Alain Jansen, was Saterdagmiddag die groot generaal in hul oorwinning oor die NMMU Madibaz op die Blanco-sportterrein.
Jansen se 16 waardevolle punte voor 'n entoesiastiese tuisskare wat 'n drie, 3 strafdoele en 'n doelskop insluit, het 'n groot bydrae gelewer dat hulle die studente met 28-24 gesink het.
Jansen se oog vir 'n gaping, giftige skopskoen na die pale, goeie verdediging en puik besluitneming was net te veel vir die besoekers.
Hy was ongetwyfeld die beste speler op die veld.
Ronaldo Fortuin (buitesenter), Myron Scheepers (flank) en Ian Alexander (slot) het ook in winderige omstandighede 'n barshou gespeel vir die tuisspan.
Ná vyf nederlae is dit terug na die tekenbord vir die studente. Hulle het darem 2 waardevolle bonuspunte verdien in die wedstryd.
Hul lostrio, Hilton Brown, J J du Toit (kaptein) en Francois Kemp het 'n barshou gespeel. Met die baie balbesit het hulle 4 pragdrieë gedruk.
NMMU het definitief hul skerpskutter heelagter, Marnus Gruber (dyspierbesering) se giftige skopskoen na die pale gemis.
Vir die studente is Kemp (2), Du Toit en Luciano James (heelagter) oor vir drieë. Taswin da Silva (buitesenter) slaag met 2 doelskoppe.
Progress het 7 pragdrieë gedruk in hul oortuigende oorwinning van 45-17 oor Bridgton op die Rosemoor-sportterrein.
Vir die tuisspan het die slot, Richard Voorslag, wat 2 pragdrieë gedruk het, die vonk verskaf. Voorslag is ook aangewys as speler van die wedstryd.
Ethan Williams (buitesenter), Clint Wagman (linkervleuel, 2), Wendell Pondo (agtsteman, 2) het die wenspan se ander drieë gedruk. Jade Roelfse (losskakel) slaag met 5 doelskoppe.
Vir Bridgton is Bradwin Wanies (regtervleuel), Graham September (skrumskakel) en Wayne Julies (agtsteman) oor vir drieë. Anver Venter (buitesenter) slaag met 'n doelskop.
Vir Stars het Neillin Scott (heelagter), Ashwin Scott (buitesenter) en Johnny Baardman (losskakel) die groot skare op hul voete gehad met hul balvaardighede.
Neillin, wat ook 7 punte met die skoen aangeteken het is aangewys as speler van die wedstryd. Marshall Boesak (binnesenter) en Everton Zondagh (loskopstut) is oor vir drieë. Stars het ook 'n strafdrie gekry.
Vir die tuisspan het Gershwin Muller (agtsteman), Charl John Payle (slot) en Iwando Masceka (haker) voorlangs goeie spel gelewer.
Rico Africa (linkervleuel, 2) en Kervin Appollis (skrumskakel) is vir Crusaders oor vir drieë. Elrico Fielies (skrumskakel) slaag met 2 doelskoppe.
Blanco II (53). Drieë - Mario Jacobs (heelagter), Hentzwill Pedro (regtervleuel, 3), Evan Hendricks (buitesenter, 2), Justin Claasen (binnesenter), Stevan Raubenheimer (linkervleuel). Jacobs slaag ook met 5 doelskoppe en 'n strafdoel.
NMMU Madibaz II (24). Drieë - Daniel Griffith (losskakel, 2) Callum Danbar (buitesenter), Lorenzo Potts (plaasvervanger senter). Griffith slaag ook met 2 doelskoppe.
Blanco III (25). Drieë - Jamie Stoffels (losskakel), Jacques Williams (agtsteman), Leighton September (plaasvervanger heelagter). Riaanoldo Lottering (plaasvervanger vleuel) Ashley Scheepers (binnesenter) slaag met 'n doelskop en 'n strafdoel. NMMU Madibaz III. (0)
Progress II. (23). Drieë - Jayden Fredericks (heelagter, 2) Darryl van Rooyen (vaskopstut). Brisslin Blom (binnesenter) slaag met 'n doelskop en 2 strafdoele.
Progress III (11). Drie – Franklin Booysen (buitesenter). Eugene Henecke (losskakel) en Stalmeester (heelagter) slaag elk met 'n strafdoel.
Bridgton III. (3) – Thiren Stoffels (losskakel) slaag met 'n strafdoel.
Crusaders II (35)
Crusaders III (11)
Silver Stars III (0).
Ronaldo Fortuin duik sierlik oor vir sy drie teen NMMU. 
Ronaldo Fortuin duik sierlik oor vir sy drie teen NMMU. Foto's: Anton Gericke.
'Ons bring jou die nuutste Tuinroete, Klein Karoo, Hessequa nuus'
