SUID-KAAP NUUS - Verlede Saterdag is die derde gewilde Mei-ringspoort-veldwedloop deur die De Rust-gemeenskap aangebied word.
Vanjaar is daar egter ook 'n korter 9,5 km roete naas die 19,5 km aangebied. Altesaam 349 atlete het vanjaar vir die langer, oorspronklike roete vanaf die NG Kerk, oor Barry Meijer se plaas Meijer's Rust en Pieter Schoeman se plaas Voelgesang en terug na die kerk ingeskryf. In 2014 was daar 100 inskrywings en in 2015 was daar 150.
"Dit was 'n ongelooflike ervaring – die mense is so vriendelik en hulpvaardig en die omgewing is asemrowend mooi," het Ingrid Pitt van Kaapstad gesê.
Die Meiringspoort-bergfietsuitdaag oor 27,5 km en 60,5 km is vanjaar ook vir die eerste keer aangebied. Altesaam 205 fietsryers het vir die bergfietsuitdaag ingeskryf.
"Die bergfietsroetes gaan oor altesaam 14 boere van Middelplaas-omgewing se grond," sê Henkie du Plessis, wat die roete beplan het. "Ons het 'n jaar gelede die roete tussen landerye en mooi Karoobosveld deur begin beplan. Ons wou hê die deelnemers moet 'n unieke Klein-Karoo ervaring kry."
Daar was dele op die roete wat baie tegnies was. Die roete was ook goed gemerk met plakkers, pyle en kalkstrepe."
Op die NG Kerk De Rust se terrein was daar van vroegoggend af groot bedrywigheid. In die ou kerksaal is pannekoek gebak en koffie verkoop. Tannie Poppie (Coetzee) van Kokkedoor-faam se kosdemonstrasie het groot be-langstelling ontlok.
Later het tannie Poppie ook die potjiekoskompetisie, waaraan 16 spanne deelgeneem het, beoordeel.
Drie waterpunte is geborg deur Dryland Events, Klein Karoo Toyota en KKI. Rawson Eiendomme se watertafel was by die eindpunt waar atlete ingewag is met piesangs, sjokolade, koue water en 'n energiedrankie.
Volledige uitslae is beskikbaar op meirings-poorttrailrun.co.za
Die eerste drie plekke in elke kategorie was as volg:
Mans: Gerswil Jacobs (1:20:08), John April (1:23:15), Elfonso Pieterse (1:29:54)
Dames: Melissa van Rensburg (1:43:22), Da-nika Gerber (1:50:05), Annatjie Botes (1:51:54)
Mans: Lloyd Bosman (44:46), Godwin Heyns (44:47), Francois Maquassa (44:54)
Dames: Jasna Welsh (1:07:39), Kittie Terblanche (1:10:38), Biance Wright (1:13:51)
Mans: Neil Ungerer, Louis Visser, Errol Pretorius.
Dames: Yolande de Villiers, Fienie Barnard, Rozanne Screiber.
Mans: Adriaan Venter, Tertius Fransen, Dale Jackson.
Dames: Charlissa Schultz, Corné Serfontein, Madelein Goldie.
MTB 60,5 km-vroue
'Ons bring jou die nuutste Klein Karoo, Hessequa, Tuinroete nuus'
