GEORGE GHOLFNUUS - Wikkie van Vuuren was binne een week twee keer aan die wenkant by Dolphins Creek-gholfklub, maar dit was Johan Heyl wat sy faam Saterdag gesteel het met 'n kolhou op die 15de gat.
Die 2 bal samespel-kompetisie is deur Wikkie van Vuuren en Gerrie Bezuidenhout (57 punte) gewen met Sandra Jordaan en Johan Heyl (56 pte) as naaswenners.
Die derde plek het aan Ben Erasmus en Dawie Steyn (55 pte) behoort met Errol van der Westhuizen en Shirley Pressley (53 pte) vierde. In Vrydag se Meatrun-kompetisie het Van Vuuren ook met die louere weggestap met Nic Oosthuizen tweede en Toelie Fourie derde.
Die wenners van die Saterdag-kompetisie die by Dolphins Creek-gholfklub is van links: Wikkie van Vuuren en Gerrie Bezuidenhout, Sandra Jordaan en Johan Heyl en Errol van der Westhuizen en Shirley Pressley. Voor: Ben Erasmus en Dawie Steyn.
'Ons bring jou die nuutste George, Tuinroete nuus'
