GEORGE NUUS - Vanjaar se McDonald's to McDonald's-Jeugdag 10 km-wedloop was die grootste nóg, met sowat 800 deelnemers wat Dinsdagoggend, 16 Junie, in ideale toestande aan dié gewilde wedloop deelgeneem het.
Die wedloop het by McDonald's Garden Route Mall weggespring en by McDonald's in Courtenaystraat geëindig.
Selwyn Matthews van Nedbank SWD het die mansafdeling gewen in 'n tyd van 31:10. Sy spanmaat, Bruce Maboza, was tweede in 32:45, terwyl Valentino Loggerenberg derde geëindig het in 33:21.
In die vroueafdeling het Hani Etsebeth van Boxer die oorwinning behaal in 37:43. Melissa van Rensburg van Nedbank SWD was tweede in 40:22 en Kezia Matthysen derde in 42:13.
Met perfekte winterweer en 'n rekordgetal deelnemers het die Jeugdag-wedloop weereens sy plek as een van George se gewildste padwedlope bevestig.
Kezia Matthysen, Hanli Etsebeth en Melissa van Rensburg.
Bulelwa Ranuga (McDonalds se streekbestuurder) Valentino Loggenberg, Selwyn Matthews, Bruce Maboza, Daniel Raubenheimer.
George se Comrades-ster, Lloyd Bosman, het 'n draai by die eindstreep gemaak. Saam met hom is Daniel Raubenheimer (links), Alta Zeelie en Avril Davids.‘Ons bring jou die nuutste Tuinroete, Hessequa, Karoo nuus’
